Një skandal mashtrimi ka dalë në dritë në SHBA, ku shumë njerëz kanë përfituar duke u hequr si invalidë të ngjarjes famëkeqe të 11 shtatorit.
Rreth 106 persona janë arrestuar, mes të cilëve 72 ish-police dhe 8 zjarrfikës, bën me dije “Reuters”.
Mashtrimi duket se i ka kushtuar shumë Shërbimit Social Amerikan, dhe agjencisë federale e cila jep ndihmën sociale.
Dokumentet tregojnë se personat kanë fituar nga 30 mijë deri në 50 mijë dollarë në vit.
Për rreth një dekadë ata janë shtirur si të sëmurë mendore, me panik, me ankth apo paaftësi, duke shkaktuar në total një dëm që kap shifrën 400 milionë dollarë.
Mashtruesit kishin postuar foto nga jeta e tyre në rrjetet sociale, çka u bë shkak për nisjen e një hetimi të gjerë nga hetuesit e FBI-së.
/Start/
Categories