Klubit më të trofeshëm në Spanjë, Real Madridit nuk po i ecën dhe aq mirë këto vitet e fundit, e arsyeja kryesore është ngecja paksa mbrapa rivalit të përhershëm Barcelonës.
Një ndër arsyet e sukseseve të ekipit katalonas është padyshim, investimi në talentët e rinj. Një sukses të tillë po mundohet që ta përvetësojë edhe Reali, e një prej tentativave të fundit është edhe nënshkrimi me talentin 9 vjeçar japonez Takuhiro Nakai, i cili në vendin e tij po quhet si Messi japonez.
Ai edhe pse shumë i vogël ka aftësi të mrekullueshme të manovrimit dhe driblimit me top. Se çfarë lojtari do të bëhet, mbetet të shihet në të ardhmen, por nga pamjet e para duket se e ardhmja e tij duket e ndritur.
