Pas mesnate ka shpërthyer një zjarr në Çarshinë e Vjetër të Shkupit me ç’rast tërësisht është djegur një shitore si dhe disa të tjera janë dëmtuar. Ndërkohë që zjarri ka kapluar edhe një pjesë të Xhamisë së Murat Pashës e cila gjendet në afërsi të dyqaneve të kapluara nga zjarri.
Në vend ngjarje kanë arritur menjëherë ekipet e zjarrfikësve dhe kanë penguar përhapjen e mëtejme të zjarrit. Mësohet se nuk ka viktima në njerëz, por është shkaktuar vetëm dëm material.
