Ishte e gjitha tokë e shenjtë o Zot
Na e dhurove në ag të Zanafillës
Si një amulet të çmuar ta ruajmë
Për shpirtin tonë e madhërimin Tënd
Kupën qiellore që e kishim kësulë
Ekuilibrin që e kishim dhuratë
I humbëm në lojën fugimthi
Në zonën e muzgët të tradhtisë
Tash na duhet ta rikrijojmë o Zot
Fytyrën e plotë të atdheut
Si portretin në një gravure të thyer
Ta zbulojmë bashkë me ndihmën Tënde
Në gjithkahnajën tonë të shpirtit
Milazim Krasniqi
