Forumi Rinor Islam me rastin e përfundimit të projektit të titulluar “Talentium” ju fton që të bëheni pjesë e ngjarjes finale që organizohet në kuadër të këtij projekti.
Projekti “Talentium” në esëncë është një program i detajuar i cili u dedikohet ekskluzivisht të rinjëve tanë, më saktësisht nxënësve të shkollave të mesme dhe i cili ka për qëllim zbulimin, shfaqjen dhe zhvillimin e aftësive dhe shkathtësive tek ata.
Ky program u realizua nëpërmjet trajnimeve dhe ligjeratave në 3 fusha bazike: komunikim, media dhe lidership.
Kjo ngjarje është kurorëzim i aktiviteteve 4 mujore dhe punës së palodhshme me nxënës të zellshëm dhe të talentuar.
Në këtë mbrëmje do të përballen më të mirët e katër qyteteve në të cilat u realizua projekti: Shkup, Tetovë, Kumanovë dhe Kërçovë edhe atë në kategorinë e fjalimeve motivuese dhe media.
*Data: 12/06/2014 (e enjte)
*Vendi: Shtëpia e ARM-së, Shkup
*Koha: 18:00
Pjesëmarrja juaj do të na nderojë neve dhe nxënësit!
Ju mirëpresim!
