Në sheshin “Iliria” në Tetovë tashmë tradicionalisht në këtë muaj FRI në Tëtovë organizoi manifestimin e “Mbremjeve Kur’anore”
Krahas freskisë që solli shiu, leximi i Kur’nit solli edhe më shumë freski shpirtërore për të pranishmit që ishin tubuar në këtë natë. As shiu që binte, nuk i ndaloi të pranishmit të dëgjojnë recitimin nga zërat e hafizave tanë.
Fjalim përshëndetës pati zëvendëskryetari i FRI-së, Hasan Baftijari i cili falënderoi të pranishmit. Në fjalimin e tij ai bëri një qasje për rëndësinë e Kur’anit Famëlartë, rëndësinë e këtij muaji të bekuar dhe si duhet shfrytëzuar ai, motivi dhe shpërblimi që pritet nga ky muaj si dhe ndryshimin që duhet ta bëjë besimtari gjatë muajit të Ramazanit.
Radha ishte për hafizat më të mirë të trojeve tona, Besir Limani, Hakim Iljazi dhe Egzon Ibrahimi.
I pari që filloi me rectimin e Kur’anit ishte hfz. Besir Limani nga Tetova, studentë i kiraeteve në Jordani, pjesëmarrës në shumë gara evropiane dhe botërore.
Pastaj vazhdoi më hfz. Egzon Ibrahimi nga Ferizaj i Kosovës, student në Kajro të Egjiptit, pjesëmarrës në shumë gara në vendet tona dhe në nivel ndërkombëtar, gjithashtu pjesëmarrës në disa emisione televizive më mësuesin e tij të Kur’anit.
Dhe në fund ishte radha për hfz. Hakim Iljazi nga Podujeva e Kosovës, pjesëmarrës në shumë gara ndërsa në Kosovë tre herë fitues i çmimit të parë për lexim të Kuranit.
Në këtë manifestim ishin pjesëmarrës shumë mysafir ndër ta edhe përfaqësues të Komunës së Tetovës, profesorë, hoxhallarë dhe shumë dashamirë të Kur’anit.
Një falënderim të veçantë shkon për Komunën e Tetovës që nuk nguruan aspak të jenë pjesëmarrës në këtë manifestim duke dhënë kontributin e tyre që ky manifestim të del më së miri.
Zyra për Marrëdhënie me Publikun e Forumit Rinor Islam
