Kisha Katolike, Famullia e Stubllës përmes një videoklipi me fëmijët, me titull “Falënderim për Papa Benediktin e XVI” në gjuhën shqipe dhe në pesë gjuhë të ndryshme botërore (anglisht, italisht, latinisht, gjermanisht, frëngjisht), në emër të shqiptarëve të Kosovës i shfaq falënderimet kreut të Kishës Katolike, Papa Benediktin e XVI, i cili kohë më parë dha dorëheqjen dhe sot në mbrëmje lë Papatin.
Largimi i papritur i Papës nxiti kureshtjen në gjithë botën dhe jo vetëm ndër besimtarët katolikë. Akti që do të zhvillohet sot në Vatikan, i papërsëritur për gjashtëqind vjet, do të ndiqet sot nga miliona njerëz në gjithë botën. /kd/
