Prof. Shakil Samdani nga Universiteti Musliman Aligarh (AMU), Indi, ka kritikuar mënyrën se si imazhi i Muslimanëve, Islamit dhe i Profetit të Shenjtë, Muhammedit (a.s.) është portretizuar nga mediat perëndimore.
“Këto pohime (nga mediat perëndimore) nuk përmbajnë të vërtetat e Islamit dhe profetit Muhammed (a.s.), që kanë dhënë konceptin e paqes, tolerancës dhe bashkë-jetesës dhe Pejgamberi (a.s.) gjithmonë i ka  këshilluar muslimanët që t’i shmangen dhunës,” tha Prof. Shakil  Samdani nga Universitetit i njohur Aligarh, dhe kryetar i Forumit të Vetëdijësimit Sir Sejjid.
Ai ishte duke folur në  Konferencën ”Profeti Muhammed (a.s.) dhe Paqja Globale” në  Kolegjin Islam, Miya Sahab në Gorakhpur, Indi si mysafir. Ai tha se i Dërguari i fundit theksoi për më shumë drejtësi dhe arsim, edukim dhe se jeta e tij është e mbushur me shembuj për drejtësi.
“Kur Profeti Muhammed (a.s.) shpalli profetësinë e tij në atë kohë, kishte vetëm 17 persona të shkolluar në Mekë dhe pikërisht pas 23 viteve kur ai u largua nga kjo botë, ka pasur shumë njerëz që ishin jo vetëm të shkolluar por të arsimuar mirë dhe ekspert në Kur’an, hadith, njohuri juridike, letërsi, histori etj. Tipar më i rëndësishëm i jetës së Profetit ishte demokratizimi i njohurive, arsimimi, edukimi. Kjo arritje e Profetit Muhammed (a.s.) është unik në historinë e Profetëve “, informoi ai.
Prof. Samdani më tej tha se Islami i ka dhënë mbrojtje të barabartë për burrat dhe gratë për herë të parë në historinë e botës së qytetëruar, gratë janë deklaruar si pronare e trupit dhe shpirtit të tyre. Ato kishin të drejtën në pronë, statusi i tyre u rrit në një masë të tillë  sa që rruga për në Xhennet ishte deklaruar se kalon përmes nënës, bashkëshortes dhe vajzës. “Kjo do të thotë se në qoftë se një person dëshiron të shkojë në Xhennet, atëherë ai do të duhet të respektojë të drejtat e grave dhe rivendosjen e tyre.
Profesori i Universitetit Musliman Aligarh u kërkoi më tej audiencës  për të udhëhequr jetën e tyre në përputhje me mësimet e profetit Muhammed (a.s.) dhe t’i kushtojnë kohë dhe energji aktiviteteve  konstruktive dhe të shpenzojnë paratë e tyre për punë sociale, gjithashtu. Ai, gjithashtu, kërkoi nga të pranishmit në audiencë të abstenojnë nga dallimet në bazë të shkollave të mendimeve dhe të mbeten të bashkuar.
Ndërsa duke iu përgjigjur një pyetje në lidhje me politikën aktuale në Indi, Prof. Samdani tha se India është një vend demokratik, ku të gjithë janë të lirë për të marrë pjesë në veprimtari politike dhe ne jemi të lumtur që e gëzojmë lirinë në këtë vend. “Kjo nuk është në dispozicion të muslimanëve në shumë vende të tjera. Ne duhet të jemi falënderues ndaj Allahut të Plotfuqishëm që ne jemi kaq të lirë në këtë vend socialist, sekular, republikë demokratike, siç është India. ”
Duke inauguruar Ekspozitën Islamike, Prof. Samdani uroi menaxherin, Rashid Kamal Samani, drejtorin, Zafar Ahmad Khan dhe administratorin, Mukhtar Ahmedin. Konferenca tri-ditore ”Profeti Muhammed dhe Paqja Globale”  organizuar në nivel shtetëror nga kolegji dhe një numër i madh studentësh nga gjithë shteti morrën pjesë. Programi u kryesua nga  Dr. Mirza Shafi Baig (Londër).
 
Burimi: Two Circles
Përktheu nga anglishtja:
Mexhid Yvejsi, Gjakovë