Qyteti i Shkupit, Kërçovës, Tetovës dhe Kumanovës po vazhdon me takimet javore të “Mozaikut Rinor”.
Pjesëmarrësit e projektit “Talentium”, në qytetin e Shkupit patën mundësinë të vizitojnë hapësirën e TV21, vizitë nga e cila patën rastin të marrin më shumë njohuri mbi median dhe procedurat e ndryshme mediatike, më konkretisht ato trajtuan temën “Komunikimi nëpërmjet kamerës”.
Në qytetin e Kumanovës u realizua tema “Strategjitë e përgatitjes së fjalimit, fjalimet TEDx” me ligjërues Eren Ali. Të pranishmit përpos që u pasuruan me njohuri mbi strategjinë e përgatitjes së një fjalimi dhe diskutuan mbi fjalimet TED, takimin e përmbushi njëkohësisht interaktiviteti dhe lojërat e ndryshme mes tyre. Ndërkaq në qytetin e Kërçovës rrjedhoja e takimeve të po të njëjtit projekt vazhdoi mbi zhvillimin e temës “Arti i të folurit në publik” ku si ligjërues ishte Arsim Jonuzi.
Gjithashtu në qytetin e Tetovës në kuadër të projektit “Incept” u ligjërua tema “Rrjetet sociale dhe ndikimi i tyre” e ligjëruar nga Ebrar Sherifi.
11 shkurt 2023
