Forumi Rinor Islam – Dega Shkup në kuadër të aktiviteteve të saja realizoi seminar dy ditor me anëtarë/e dhe si qëllim kishte përgatitjen dhe përpunimin e planit strategjik për vitin 2023/24.
Aktiviteti në fjalë u realizua në kryeqytetin e Shqipërisë, në Tiranë, në hapësirat e fondacionit “Mirësia”, të cilët i mirëpriti drejtori i saj, z. Korab Kaja. Në kuadër të këtij aktiviteti u vizituan fondacioni “Mirësia”, shkolla TES – Tomorrow’s Education System dhe shoqata kulturore “Ardhmëria”.
Ndërsa gjatë këtyre vizitave u realizua bashkëbisedim me prof. Tahir ZenelHasani mbi temën “Frymëzimet profetike për ndryshimet shoqërore”, dhe ligjëratë nga hoxhë Sabaudin Jashari me temë “Shkallët e ngritjes së civilizimit Islam”.
Brenda seancave të përgatitjes së planit strategjik kishin edhe një këshill rasti nga hoxhë Fevzi Musliu.
Në fund nuk mungoi as shëtitja e lirë e qytetit të Tiranës, me çka u bë edhe përmbyllja e aktivitetit në fjalë.
Shkup, 02 tetor 2023
