Sot, kujtojmë rëndësinë e respektit, barazisë dhe përfshirjes për çdo individ. Çdo person është një krijim unik i Allahut, dhe asnjë dallim nuk e ul vlerën apo dinjitetin e tij.
Allahu thotë në Kuran: “Ne me të vërtetë i kemi nderuar bijtë e Ademit…” (Sure Isra, 17:70). Ky ajet na kujton se çdo njeri ka një vlerë të pashoqe përpara Allahut dhe se dinjiteti është një e drejtë për të gjithë pa përjashtim.
Po ashtu, Profeti Muhamed ﷺ ka thënë: “Allahu nuk shikon pamjen tuaj apo pasurinë tuaj, por zemrat dhe veprat tuaja.” (Muslimi)
Këto fjalë hyjnore na udhëzojnë të shohim përtej pamjes dhe dallimeve të jashtme, duke vlerësuar zemrën dhe përkushtimin e secilit.
Bashkë mund të ndërtojmë një shoqëri të drejtë, gjithëpërfshirëse dhe të mbushur me mirësi për të gjithë.
“TË GJITHË TË VEÇANTË, TË GJITHË TË BARABARTË”
