Xhamia El-Hidaje në Zvicër organizoi tribunë për Isranë dhe Miraxhin

Me 5 Qershor 2013 pas namazit të Akshamit, Xhamia El-Hidaje në St.Gallen organizoi tribune kushtuar ndodhisë së Israsë dhe Miraxhit.
Ligjëratën kryesore me titull:”Dimensioni moral i Israsë dhe Miraxhit”, e mbajti Bashkim Aliu, i cili foli për disa mesazhe të kësaj ndodhie, me theks të veçantë mesazhe të cilat flasin në drejtim të ndërtimit të të një personaliteti besimtar me moral të lartë. Poashtu, ligjëruesi u ndal edhe në disa mesazhe tjera të kësaj ndodhie madhështore-Muxhizeje, që duhet të trajtohen në kontekst bashkëkohor si nxitje për muslimanët që të studiojnë, përparojnë dhe të bëjnë përgatitje dhe planifikim për mbarëvajtjen e punëve të tyre.
Me këtë rast, pati edhe lexim të ashereve nga Kur’ani dhe këndim të ilahijeve.
Tribunën e moderoi imami i xhamisë el-Hidaje në St.Gallen, hafiz Mehas Alija.
Nga ana e tij, ligjëruesi Bashkim Aliu, e falënderoi imamin dhe kryetarin e këshillit të xhamisë për mikpritjen dhe organizimin e mirë të këaj tribune.