Nga e dita e hënë më 24 qershor, fillon regjistrimi e nxënësve në shkollat e mesme shtetërore. Në shkollat e mesme këtë vit shkollor do të regjistrohen 34.971 nxënës prej të cilëve 22.694 në drejtime profesionale , 11.597 në gjimnaze, 408 në drejtime të artit dhe 272 në gjimnaze sportive.
Sipas gjuhës së mësimit, 24.029 nxënës do të regjistrohen në shkolla me mësim në gjuhën maqedonase, kurse me mësim në gjuhën shqipe do të regjistrohen 10.092 nxënës.
Për nxënësit në gjuhën turke ka 816 vende të lira, si dhe 34 në gjuhën serbe. Regjistrimet janë të obligueshme që nga viti shkollor 2008/2009 dhe në rast të mos regjistrimit, prindërit do të paguajnë gjobë prej njëmijë euro.
