Me rastin e 7 marsit, ditës së mësuesit, Asociacioni për Afirmimin e Gruas (AAG) shpreh urimet më të përzemërta deri tek të gjithë mësimdhënësit, veteranët e arsimit dhe arsimdashësit shqiptar në mbarë botën.
Në këtë datë të rëndësishme kombëtare, me respekt dhe nderime i përkujtojmë të gjithë ata që punuan dhe sakrifikuan për hir të arsimit shqip, duke shpresuar që edhe ne sot t’i ndjekim gjurmët e tyre.
Urojmë që kjo ditë e madhe dhe simbolika e saj të na shërbejnë si frymëzim për përkushtim të veçantë ndaj arsimit dhe avancimit tonë kulturor mbarëkombëtar.
Asociacioni për Afirmimin e Gruas
Departamenti për Informim dhe Marrëdhënie me Publikun
