Me datë 17 janar 2025, në një ceremoni të veçantë të organizuar në xhaminë “Muslihuddin Abdulgani” – Duqanxhik, u promovua hafizi i ri Emir Lutfiji, i cili përfundoi me sukses memorizimin e plotë të Kur’anit Famëlartë nën udhëheqjen e muhafizit të tij, hfz. Abdulkerim ef. Ebibi.
Hafizi Emir Lutfiji është gjithashtu pjesëmarrës në aktivitetet dhe projektet e Forumit Rinor Islam. Angazhimi i tij në vlerat islame e bën një shembull për të rinjtë, duke dëshmuar për rolin e rëndësishëm të të rinjve në ruajtjen dhe promovimin e traditës islame.
Forumi Rinor Islam i shpreh urimet më të përzemërta hafizit të ri Emir Lutfiji dhe familjes së tij, duke lutur që kjo arritje e madhe të jetë fillimi i shumë sukseseve të tjera në shërbim të shoqërisë dhe fesë islame.
Allahu i ndihmoftë në çdo hap!
Shkup, 17 janar 2025