Kryeministri turk Rexhep Tajip Erdogan ka kritikuar komunitetin ndërkombëtar mbi heshtjen ndaj dënimit me vdekje kundër mbështetësve të presidentit të zgjedhur egjiptian Muhamed Mursi.
Pas vetëm dy seancave të shkurtëra, një gjykatë egjiptiane dënoi 529 egjiptianë me vdekje për vrasjen e një oficeri të policisë. Grupet e të drejtave kanë dënuar seancën e rreme dhe vendimin, por komuniteti ndërkombëtar ka mbetur kryesisht i heshtur.
Vërejtjet e Erdogan në lidhje me rastin erdhën gjatë një takimi parlamentar të bllokut në pushtet të Partisë për Drejtësi e Zhvillim. Ai tha: “ Unë i drejtohem botës dhe vendit tim, nga parlamenti, në lidhje me vendimin për të ekzekutuar 529 njerëz në Egjipt.”
Kryeministri turk theksoi se heshtja ndërkombëtare ilustron se si ka standarde të dyfishta në Perëndim në lidhje me drejtësinë dhe të drejtat, duke pyetur në qoftë se : “Bota ngritet për Twitter, pse nuk flet në lidhje me këtë? A është se jeta e njeriut është më e lirë?”
” Brenda 20 minutave, gjykata lëshoi një vendim për të ekzekutuar 529 persona. Edhe pse dënimi me vdekje është i ndaluar në Bashkimin Evropian (BE), asnjë zë serioz nuk është dëgjuar nga BE ose vende të tjera, të tilla si Shtetet e Bashkuara dhe Rusia,” shtoi Erdogan./mesazhi/
Categories