Në kuadër të aktiviteteve të projektit Eureka, dje në Tetovë u mbajt një takim me temën “Si ndërtohet e ardhmja e një të riu”, me ligjërues Lazi Tefiki.
Gjatë takimit u trajtua rëndësia e vetëdijes, edukimit dhe përkushtimit si elemente kyçe në ndërtimin e një të ardhmeje të suksesshme. Ligjëruesi theksoi rolin e qëllimeve personale, disiplinës, punës së vazhdueshme dhe zgjedhjeve të duhura në jetën e të rinjve.
Po ashtu, u diskutua për sfidat me të cilat përballen të rinjtë gjatë rrugëtimit të tyre, si pasiguria, presioni shoqëror dhe frika nga dështimi. Në këtë drejtim, u theksua rëndësia e besimit në vetvete, motivimit të vazhdueshëm si dhe mbështetjes nga familja dhe shoqëria për ndërtimin e një të ardhmeje të qëndrueshme dhe të suksesshme.
Tetovë, 13 dhjetor 2025