Fadil Sulejmani dhe themelimi i USHT-së (Video)

niversiteti Shtetëror i Tetovës (USHT),nga themelimi i tij,Universiteti i Tetovës, njëri nga katër universitetet shtetërore në Republikën e Maqedonisë,u themelua më 4 qershor të vitit 1994, me iniciativë të Bashkësisë Kulturore Shqiptare, por nuk u pranua nga pushteti deri në janar të vitit 2004, kur nga Kuvendi i Republikës së Maqedonsië u miratua Ligji për themelimin e Universitetit Shtetëror të Tetovës. Mësimi zhvillohet kryesisht në gjuhën shqipe, por edhe në gjuhën maqedonase dhe gjuhën angleze.
Data të rëndësishme të Universitetit janë: 17 dhjetori, dita e nënshkrimit të Aktvendimit për funksionimin e këtij Universiteti nga përfaqësuesit e partive politike shqiptare, shoqatat e qytetarëve, Kuvendet e komunave, të Tetovës, Gostivarit dhe Dibrës, si dhe përfaqësues të tjerë.Rektor i parë i këtij Universiteti ka qenë, prof. dr. Fadil Sulejmani, ndërsa pas tij këtë detyrë e kanë ushtruar: Prof. dr. Ramiz Abdyli, Prof. dr. Nexhbedin Beadini, Prof. dr. Sadi Bexheti dhe Prof. dr. Agim Vela dhe rektori aktual Vullnet Ahmeti
Prof. dr. Fadil Sulejmani u lind më 5 dhjetor të vitit 1940 në katundin Bozovcë të Malësisë së Sharrit të Tetovës. Arsimin fillor e kreu në vendlindje dhe në qytetin e Tetovës, kurse Shkollën e Lartë Pedagogjike në Prizren dhe Fakultetin Filozofik, drejtimi Gjuhë dhe Letërsi Shqipe e kreu në Prishtinë. Studimet pasuniversitare për magjistraturë i kreu në Beograd dhe doktoroi në Prishtinë për shkencat filologjike.
Ka punuar fillimisht si arsimtar i gjuhës dhe letërsisë shqipe në katundin Obiliq afër Prishtinës dhe 2 vjet si profesor i gjuhës latine në Gjimnazin e Mitrovicës. Në vitin 1971, filloi si pedagog i rregullt në degën gjuhë dhe letërsi shqipe, të Fakultetit Filozofik të Universitetit të Prishtinës, ku punoi deri në vitin 1994. Në vitin 1994-95 u avancua në cilësinë e profesorit ordinar për shkenca filologjike, po në këtë universitet.  Formimi i tij akademik do të vijojë me 2 vjet specializim në Gjermani si bursist i Fondacionit Aleksandër fon Humbold në Bon dhe 1 vit në Itali, gjë që i ka mundësuar edhe njohjen e gjuhëve përkatëse, të cilat do t’i shfrytëzojë edhe më vonë në hulumtimet e tij.
Në vitin 1994, bashkë me intelektualë të tjerë, themelon Universitetin e Tetovës dhe e drejton atë deri në vitin 2003, periudhë kur fillon edhe zyrtarizimi i tij.
Profesor Fadil Sulejmani është autor i mbi 10 librave dhe mbi 200 artikujve të publikuar në revista shkencore e periodike.
Më 17 dhjetor 2012, me rastin e 18 vjetorit të themelimit, Universiteti Shtetërori Tetovës, themeluesit dhe Rektorit të parë të Universitetit tonë, Prof. dr.  Fadil Sulejmanit i ndau titullin Doctor Honoris Causa.
Kronika Tv Art,Tetovë