Në Kumanovë u realizua përmbyllja e projektit “Eureka”, pas trajnimeve të njëpasnjëshme javore.
Fillimisht u bë hapja e organizimit nga kryetari i Forumit Rinor Islam – dega Kumanovë Erduan Kurtishi, i cili të pranishmëve iu drejtua me fjalë përshëndetëse.
Në radhë fjalën e mori përgjegjësi i projektit Arif Limani, ku foli mbi rrjedhën e projektit dhe më pastaj u recitua poezia “Libri im i vetëm” nga Merva Ramadani.
Në program u përfshi edhe një video me materiale nga 6 takimet javore.
Fjala u dha 4 nxënësve, që para të pranishmëve treguan mbi përshtypjet e tyre për projektin.
Në fund u bë shpërndarja e certifikatave për të gjithë nxënësit, si dhe mirënjohje për trajnuesit, shkollat dhe shoqatat.
Kumanovë, 17 dhjetor 2022
