Dje, më datë 28 korrik 2013, Forumi Rinor Islam – Dega Kumanovë shtroi iftar në fshatin Vojnoviç të Kumanovës. Në këtë iftar morën pjesë rreth 100 persona. Në të ishin të pranishëm pjesëtarë të fshatit si dhe anëtarët e aktivistë të FRI-së.
Pas ngrënies së iftarit nisi programi, ku fillimisht pati këndim ilahish nga Avni Nebiu dhe Naser Arifi, kurse më pastaj pati një minitribunë nga hoxha mulla Imer Mustafa. Pjesëtarët e fshatit Vojnoviç u ndanë të kënaqur nga ky iftar dhe thanë që shpresojnë që edhe në të ardhmen të ketë kësofarë iftaresh. Ndërkaq, Forumi Rinor Islam këtë aktivitet e realizon në kuadër të aktiviteteve që i bën me rastin e muajit ramazan.
