Me datë 20.03.2015, ne ambientet e Info Qendrës se FRI-së në Shkup, Forumi Rinor Islam – Dega Shkup organizoi kuvendin e IX raportues për aktivitetet që janë realizuar gjatë vitit 2014. Kuvendi u hap me lexim të disa ajeteve nga Kur’ani i madhërishëm nga hoxhë Sali Bislimi për të pasuar me disa fjalime përshëndetëse nga ish kryetari i degës së Shkupit z. Zulqefli Sinani dhe kryetari aktual i Forumit Rinor Islam z. Fevzi Musliu.
Punimet e kuvendit filluan me prezantimin e detajuar të raportit të aktiviteteve nga kryetari i degës së Shkupit z. Hasan Baftijari. Aktivitetet që realizoi dega e Shkupit gjatë vitit të kaluar ishin të shumta dhe të larmishme. U realizuan kampanja, tribuna, ligjerata, seminare, trajnime dhe vizita. Ndër to vlen të përmenden kampanja “Ta njohim Muhammedin a.s.”, Dita ndërkombëtare e studentit, projekti 5 mujor “Talentium” etj.
Në fund kuvendi u përmbyll edhe me shfaqjen e aktiviteteve të cilat planifikon ti realizojë dega e Shkupit gjatë vitit 2015, gjegjesisht u prezantua lista e aktiviteteve në nivel të sektoreve që veprojnë në kuadër të Forumit Rinor Islam – Dega Shkup. Kryetari në fund i faleminderoi të gjithë kuvendarët e degës së Shkupit për angazhimin e tyre në realizimin e aktiviteteve dhe mbeti me shpresë që në të ardhmen dega e Shkupit do të vazhdojë me tempon e njëjtë për të realizuar aktivitetet e planifikuara.
Zyra për Marrëdhënie me Publikun e Forumit Rinor Islam