Në hapësirat e FRI-së në Tetovë, u realizua kuvendi raportues vjetor për aktivitetet e Forumit Rinor Islam – dega Tetovë të realizuara përgjatë vitit 2023.
Kuvendi filloi me leximin e disa ajeteve kuranore, e më pas vazhdoi me një fjalë përshëndetëse nga kryetari i kuvendit, i cili hapi edhe punimet e kuvendit të dymbëdhjetë me radhë.
Pas konstituimit të komisioneve mbikëqyrëse, filluan punimet e kuvendit.
Kryetari i degës, Mevlan Abazi, raportoi para kuvendarëve për të gjitha aktivitetet e realizuara nga dega e Tetovës.
Të pranishmit kishin mundësinë që të parashtrojnë pyetje dhe të realizojnë debat mbi raportin në fjalë i cili pastaj u miratua me shumicë votash.
Tetovë, 1 mars 2024
