Me datë 13.01.2014 (ditë e Hënë) FRI-Shkup në Çarshinë e vjetër të Shkupit filloi fushatën “Ta njohim Muhamedin a.s”. Është një fushatë e cila realizohet tanimë disa vite me rradhë për hirë të ditëlindjes së Muhamedit a.s. Kjo fushatë në vetvete ngërthen aktivitete të shumta të cilët FRI do ti ndërmar ditëve në vazhdim jo vetëm në Shkup, por edhe në qytete tjera të R.M.
Aktivistët dhe aktivistet e FRI-Shkup për hirë të kësaj datë të rëndësishme në rrugët e Çarshisë së vjetër, bënë shpërndarjen e embëlsirave si dhe disa fletushkave me fjalë profetike. Ndërsa në anën tjetër kalimtarët e rastit ngelën shumë të kënaqur nga ajo që kishin pregatitur këta të rinj.
Për këtë rast kryetari i FRI-dega Shkup z. Hasan Baftjari deklaroi: “Pa dyshim se datëlindja e Muhamedit a.s është një datë teje të rëndësishme jo vetëm në historinë islame por edhe në atë botërore, me lindjen e tij ndryshoi fleta e historisë së njerëzimit. Ne si FRI tanimë disa vite me rradhë në kalendarin e aktiviteteve tona kemi futur edhe kampanjën “Ta njohim Muhamedin a.s”, ku publiku shkupjan do të ketë mundësi të shoh disa aktivitete. Gjithashtu ditën e ejte (16.01.2014), do të kemi rastin që në çarshinë e vjetër këtu në Shkup të ndëgjojmë ligjeratë nga disa mysafirë”.
Vlen të theksohet se aktiviteti në fjalë realizohet për herë të pestë me rradhë nga FRI.
Zyra për Marrëdhënie me Publikun e Forumit Rinor Islam