Forumi Rinor Islam – dega Kërçovë me sukses ka përmbyllur realizimin e projektit “Eureka”, që është realizuar me nxënësit e klasave të nënta të rrethit të Kërçovës. Në ceremoninë e mbylljes solemne morën pjesë pjesëmarrësit së bashku me shokët dhe familjarët moshatar të tyre, dhe ekipi i FRIsë së bashku me kryetarin mr. Xhabir Emini.
Në këtë takim, që u realizua në ambientet e H/R Arabella, fillimisht fjalë rasti kishte prof. Arsim Jonuzi, i cili ju drejtua atyre me disa këshilla, për të vazhduar me fjalën përshëndetëse të kryetarit të FRIsë, mr. Xhabir Emini.
Pjesa qendrore e takimit përmbyllës ishte ndarja e certifikatave për pjesëmarrje të suksesshme për nxënësit pjesëmarrës, të cilët ndër të tjera, ishin pjesë e 6 takimeve javore dhe ndoqën trajnimet e projektit “Eureka”.
Shpresojmë që projektet tona dhe aktiviteti ynë me të rinjtë të jetë i dobishëm, së pari në ndërtimin e individëve më të mirë dhe raporte të mira në mes familjeve, shoqërive dhe më gjerë.
Kërçovë, 11 shkurt 2023
