Në një ambient të hapur mu në sheshin “Skënderbeu” në Shkup, FRI realizoi iftarin tradicional me moton tanimë të njohur “Ramazani muaji lirisë dhe shpresës”. Në këtë iftar të ftuar ishin kryetari i komunës së Çairit, përfaqësuesi i OSBE-së, ministra të qeverisë së RM, student, intelktualë e qytetarë të rëndomtë.
Të pranishmëve në këtë iftar i’u drejtua nënkryetari i FRI-Hasan Baftjari, i cili ndër tjerash i’u falemenderua mysafirëve për ardhjen në këtë iftar si dhe vlerësoi lartë bashkupunim e FRI me Komunën e Çairit. “Është ky muaji i lirisë nga shkaku se besimtari gjatë këtij muaji lirohet nga gjitha veset e këqia, kurse në fund të muajit shpreson shpërblimin në Allahun” theksoi ai.
Ndërsa kryetari i komunës së Çairit z. Izet Mexhiti, ndër tjerash të pranishmëve u’a uroi muajin e bekuar të Ramazanit, si dhe çmoi lartë aktivitetet e FRI, dhe uroi për veprimtarinë që e bënë tash e disa vite në afirmimin e vlerave kultorore dhe humane. Projektet që realizon FRI-gjithmonë do të kenë përkrahjen tonë.
Ministri i Ekonomisë z Bekim Neziri, pohoi se, “Madhështia e iftarit qëndron në atë se të gjithë jemi të barababartë para Krijuesit, pa dallim ngjyrave partiake dhe pozitës shoqërore.”
Ky iftar është pjesë e ativitete që FRI ka ndërmarë në muajin e Ramazanit.
Zyra për Marrëdhënie me Publikun e Forumit Rinor Islam
