Në shkollën e mesme “Zef Lush Marku”, në Shkup, të hënën më 09 mars, FRI – Sektori i Femrës organizoi ligjëratë me maturantët e kësaj shkolle.
Temën “Zgjedhja e profesionit, nevojë imanente e kohës” e elaboroi ligjëruesi mr. Muhamed Jonuzi (psikolog).
Ligjëratës i parapriu fjalë përshëndetëse nga përgjegjësi i shkollës si dhe nga përgjegjësja e Sektorit të Femrës – FRI, znj, Esma Sherifi Kurti.
Përpos angazhimit të nxënësve gjatë ligjëratës e cila u zhvillua në mënyrën bashkëbiseduese, në fund, ligjëruesi realizoi edhe një pyetësor me nxënësit.
