Në hapësirat e Universitetit Ndërkombëtar Ballkanik, Forumi Rinor Islam – dega Shkup realizoi takim me maturantë e shkollarë të mesëm me temë “Orientimi profesional”.
Në fillim të takimit, kryetari i FRI-së Dega në Shkup përshëndeti të pranishmit dhe uroi që ky takim të jetë ndihmë për nxënësit të cilët janë në kohën për të zgjedhur orientimin e tyre profesinal, si dhe falënderoi Universitetin Ndërkombëtar Ballkanik për bashkëpunimin korrekt dhe mundësinë e ofruar që ky aktivitet të realizohet në hapësirat e IBU-së.
Takimi u nda në dy pjesë, pjesa e parë i takoi ligjëratës me temë “Si të zbulosh aftësitë dhe të përzgjedhësh karrierën” me ligjërues prof. Musa Musai, i cili dha udhëzime se si të përzgjedhim karrierën dhe të tejkalojmë sfidat në rrugëtimin e dijes akademike. Në pjesën e dytë nxënësit u njoftuan me përvojat e jetës studentore në Stamboll dhe Londër, si duhet kaluar periudha studentore dhe çfarë aftësish duhet të posedojmë, me ligjërues Emir Fetai.
Në fund të takimit nxënësve iu prezantua edhe oferta e Universitetit Ndërkombëtar Ballkanik për maturantët e sivjetshëm nga vetë zëvendës rektori i universitetit, prof. Mevludin Ibish.
Shkup, 26 maj 2022