Projekti “Gjurmët” i cili është parapa të realizohet në kuadër të Akademisë Rinore “Mendimi” nga Forumi Rinor Islam, filloi duke intervistuar aplikuesit e këtij projekti në Shkup.
Ishin një numër i konsiderueshëm të rinj dhe të reja të interesuar për ta ndjekur këtë projekt, i cili ka për qëllim prodhimin e një rinie produktive, zhvillimin dhe ngritjen e tyre sipas parimeve dhe vlerave dobiprurëse e përparimtare.
Disa nga tematikat që do të ndiqen janë: “Qytetaria”, “Etika fetare”, “Përzgjedhja e shoqërisë”, “Dukuritë negative” dhe “I riu ambicioz dhe aktiv”.
Pas intervistave para të pranishmëve u prezantua projekti i lartpërmendur nga anëtarja e Kryesisë Qendrore të FRI-së, Ermira Idrizi. Ndërsa fjalë rasti kishte kryetari i degës Shkup, Afrim Demiri.
