Kryeministri i qeverisë palestineze në Gaza, Ismail Hanije bëri sqarime lidhur me vizitën që ka në plan të realizojë në Gaza Kryeministri Rexhep Tajip Erdoan.
“Edhe si qeveri, edhe si popull Kryeministrin Erdoan do ta presim ashtu siç e meriton Turqia dhe populli turk. Kemi nisur përgatitjet”, deklaroi Hanije.
Kryeministri palestinez kritikoi qëndrimin e administratës amerikane ndaj kësaj vizite, duke thënë se Kryeministri Erdoan ka sfiduar përpjekjet e Uashingtonit për ta penguar realizimin e kësaj vizite. Ky qëndrim i Erdoanit tregon se tani ka marrë fund epoka e tutelës amerikane, shtoi ai.
“Vizita e Erdoanit do të jetë një vizitë historike për Palestinën”, u shpreh Hanije.
Hanije foli edhe për lajmet që kanë qarkulluar në shtypin ndërkombëtar sikur Presidenti i Shtetit Palestinez, Mahmud Abas do të shoqërojë Erdoanin gjatë vizitës në Gaza, ndërsa sqaroi se nuk kanë dijeni për këtë çështje.
Kryeministri Erdoan pritet të shkojë në Gaza pas vizitës që do të realizojë në mes të majit në Shtetet e Bashkuara të Amerikës.
Categories