Sot, më 13 shkurt 2025, kryetari i Forumit Rinor Islam në nivel republikan, z. Abdulhamid Mustafa, së bashku me kryetarin e FRI-së dega Shkup, z. Afrim Demiri, realizuan takim pune me kryetarin e Komunës së Çairit, z. Visar Ganiu.
Gjatë takimit u diskutua për aktivitetet që do të organizohen gjatë muajit të shenjtë të Ramazanit, me fokus në promovimin e vlerave fetare dhe sociale.
Kryetari i Komunës së Çairit, z. Visar Ganiu, shprehu gatishmërinë për të mbështetur këto iniciativa dhe vlerësoi kontributin e Forumit Rinor Islam që po e jep për shoqërinë.
Forumi Rinor Islam do të vazhdojë bashkëpunimin me institucionet e pushtetit lokal, qendror si dhe me organizatat vendore për realizimin e aktiviteteve me karakter fetar dhe edukativ.
Shkup, 13 Shkurt 2025
