Në kuadër të shkollës edukative “Haxhi Nazim Xhaferri” këtë fundjavë u realizua me sukses kuizi i diturisë për jetën e Muhamedit (alejhi selam). Në kuiz morën pjesë gjithsej 14 nxënës ndërsa prej tyre u përzgjodhën katër më të mirët.
Kuizi u hap me recitimin e disa ajeteve kuranore nga nxënësi Qemal Emini. Më pas fjalën e rastit e pati përgjegjësja e shkollës Aishe Emini e cila ndër të tjera theksoi se ky aktivitet ishte si rrjedhojë e fushatës “Ta njohim Muhamedin a.s.” e që përfshiu ligjërata, punime në grupe, diskutime dhe aktivitete të lira mbi jetën dhe veprimtarinë e Muhamedit a.s.
Ky kuiz ka për qëllim nxitjen, motivimin e avancimin e nxënësve në nxënien e dijes rreth mësimeve nga jeta e pejgamberit të fundit, e në këtë drejtim ka luajtur rol të rëndësishëm komisioni përgjegjës me përgatitjen e pyetjeve dhe mbarëvajtjen e kuizit.
Kërçovë, 4 mars 2023
