Letër e hapur kryeministrit Hashim Thaçi: “Kryeministër, Vlora po na turpëron”

I nderuari kryeministër i Republikës së Kosovës, z. Hashim Thaçi
Jemi të vetëdijshëm për procesin në të cilin po kalon Republika e Kosovës, në veprimtarinë dhe angazhimin e shumëanshëm për ngritjen e shtetit, por edhe në përfaqësimin e Kosovës tonë, në mënyrën sa më të mirë të mundshme, si para opionionit vendor ashtu edhe para atij ndërkombëtar.
Aspak nuk dëshirojmë të ndërhyjmë në punën tuaj me anë të kësaj letre, të kritikojmë apo të japim ndonjë vërejtje në lidhje me punën e Qeverisë.
Por, me këtë rast po ngrisim zërin për turpin që po i bëhet shtetit dhe gjithë kombit shqiptar nga Ministrja e integrimeve z-sha Vlora Çitaku.
Përkundër spekullimeve për aferën e saj me përfaqësuesin special të BE-së, sllovenin Samuel Zhbogar, ajo që kulmoi ishte mospërmbajtja e saj para syve të gazetarëve dhe mediave të ndryshme, ku Vlora jonë nuk arrin të përmban veten dhe paraqet “dobësinë e saj” ndaj ambasadorit Zhbogar, duke e habitur edhe atë vet. Për këtë ju paraqesim edhe videon në vijim, ku edhe vet Zhbogar “turpërohet” duke i thënë: “a edhe para kamerave a”?
Andaj, ne si shqiptarë, si atdhedashës dhe si përkrahës të mendimit, se krenaria kombëtare duhet të vihet para interesave të ngushta politike edhe por edhe shtetërore, kërkojmë nga ju shkarkimin urgjent të ministres Vlora Çitaku, nën arsyetimin se ajo ka nënçmuar shtetin e Kosovës, femrën shqiptare dhe gjithë shqiptarët kudo që gjenden.
Me anë të kësaj letre aspak nuk dëshirojmë të ndërhyjmë në çështjet private të askujt, por derisa këtë e bën një bartëse e funksionit publik, një anëtare e qeverisë që përfaqëson Republikën e Kosovës, kjo është e papranueshme.
Z-sha Vlora Çitaku, përkundër karrierës saj politike, duhet të mësohet dhe duhet ta dijë se përfaqëson jo vetëm qeverinë dhe popullin e Kosovës, por gjithë shqiptarët që i kanë drejtuar sytë drejt ecurisë së shtetit të dytë shqiptarë. Andaj me veprimet e saja tinejxhereske, ajo nuk dëshmon pjekurinë e saj për ta përfaqësuar Kosovën në procesin më të rëndësishëm pas pavarësisë, atë të euro-integrimeve.
Me respekt, Milazim Mustafa