Nga tabela më lartë shihet qartë pozita e keqe e mediave në Maqedoni. Përderisa të gjithë fqinjët shënojnë progres, Maqedonia është në rënie të lirë që nga viti 2009 ku me shtetin udhëheq koalicioni VMRO-DPMNE dhe BDI.
Në Indeksin më të ri për lirinë e mediave në organizim të Reporterëve pa kufi që përfshin gjithsej 180 shtete, Maqedonia gjendet në vendin e 123.
Kjo paraqet rënie prej gjashtë vendeve për dallim nga raporti i vitit të kaluar. Nga rajoni Maqedonia, Mali i ZI dhe Turqia gjenden në kategorinë e vendeve që janë në “gjendje të vështirë”.
Nga fqinjët Serbia gjendet në vendin e 54, Kosova në vendin e 80, Shqipëria në 85, Greqia 99 dhe Bullgaria në vendin e 100.
