Ministria për arsim dhe shkencë , ka shpallur disa nga rezultatet për bursat e nxënësve për vitin shkollor 2013/2014.
Në ueb faqen e MASH-t, respektivisht atë të bursave për 80 nxënës të shkollave të mesme publike dhe private që janë fëmijë pa prind, rezultatet mund ti shihni këtu.
Gjithashtu janë publikuar edhe rezultatet me emrat e 50 nxënësve të shkollave të mesme të vendit që janë meaftësi të kufizuara. Listën e plotë mund ta shihni këtu.
Sa u përket kategorive të tjera, akoma nuk janë publikuar listat finale, ndërsa nga MASH thonë se po bëhen selektimet e fundit pasi konkurrenca ka qenë më e madhe.
Ndryshe, këtë vit MASH ndan 740 bursa për gjithë nxënësit e shkollave të mesme dhe private të vendit.
Bursat janë të dedikuara për disa kategori, edhe atë e 400 për ndihmë sociale të nxënësve, 80 për nxënës pa prindër, 50 për nxënës me nevoja të veçanta, 150 për nxënës të talentuar në lëmin e sportit, 50 për nxënës të talentuar dhe 7 bursa për nxënësit nga shkolla e hotelerisë./Portalb
