Ministria e Ekonomisë në vitin 2014 do të financojë 10 kompani për implementimin e standardit “Hallall”, tha sot ministri Valon Saraçini.
“Për vitin e ardhshëm kemi paraparë 3.1 milion denarë, për të cilat mendojmë se janë të mjaftueshme për mbulimin e plotë të harxhimeve të 10 kompanive të cilët do të paraqiten në konkursin publik të Ministrisë për Ekonomi, për vendosjen e standardit “Hallall”, tha ministri për ekonomi,Valon Saraçini, në konferencën e sotme për shtyp.
Ai, u bëri thirrje të gjitha kompanive të interesuara që të risin eksportin e tyre dhe të cilët janë të interesuar për të qenë prezent në tregjet e treta, të paraqiten në konkurs, duke filluar nga 27 janari, duke kompletuar dokumentacionin e nevojshëm dhe të fitojnë mjetet e nevojshme për të mbuluar harxhimet për implementimin e standardit “Hallall”.
Saraçini, përkujtoi se Ministria për Ekonomi, sivjet kishte paraparë mjete financiare për mbulimin e harxhimeve për shërbime konsultative për aplikimin e standardit “Hallall”.
Drejtori gjeneral i Allkalloidit, Zhivko Mukaetov, informoi se kjo kompani ka vendosur standardin “Hallall”, dhe kjo u ndihmon që të jenë prezent në tregun arab.
Hallall, tregu është një ndër tregjet me rritje më të shpejtë. Shkalla e deritanishme e rritjes arrin 40 për qind në vjet, ndërsa për vitin e ardhshëm pritet të jetë 50 për qind.
Tregu botëror i prodhimeve Hallall, vlerësohet në 650 miliardë dollarë në vit, ndërsa Hallall tregu në rreth 66 miliardë euro në vit. Në vendet e Evropës Perëndimore dy të tretat nga konsumatorët e Hallall prodhimeve nuk janë myslimane, por për ata ky standard është sinonim i ushqimit të shëndetshëm.
