Vijojnë aktivitetet e projektit “Eureka” nëpër degët e Forumit Rinor Islam, ku këtë të shtunë u trajtua tema “Modeli i një të riu të suksesshëm” në qytetet e Shkupit dhe Kërçovës.
Takimi në Shkup u realizua me Ermira Idrizin, përgjegjëse të Departamentit për të Rinjtë në nivel republikan, e cila ndau me pjesëmarrësit eksperiencat rinore dhe prezantoi një model që të rinjtë mund ta ndjekin, duke theksuar cilësitë e një të riu të suksesshëm dhe mënyrat për të vendosur qëllime e për të ndërtuar zakone të mira.
Në Kërçovë, ky trajnim u zhvillua me Mazllam Osmanin, drejtor i Pallatit të Kulturës – Kërçovë. Ai theksoi rëndësinë e adoptimit të tipareve dhe shprehive pozitive te të rinjtë, si dhe rolin e tyre në tejkalimin e sfidave.
Në të dyja takimet nuk mungoi as pjesa argëtuese, me lojëra edukative që i bënë këto trajnime të veçanta.