Gjatë ritualit të përvitshëm, të larjes së Qabes së bekuar, bëhet dhe dorëzimi i çelësit të Qabes, tek familja e cila e trashëgon këtë nder që nga kohët e lashta. Emiri i Mekës, Halid Fejsal, ia dërgoi çelësin e Qabes, kujdestarit shejh Abdul Kadir Shibi.
Çelësi i Qabes është gjashtë këndor. Në njërin kënd të tij, është shkruar: La ilahe ilallah, Muhamed Resulullah. Në këndin e dytë, është shkruar: Dhuratë e Kujdestarit të dy xhamive të shenjta. Në këndin e tretë; Mbreti Abdullah bin Abdul Aziz. Në këndin e katërt: Viti 1434. Në këndin e pestë dhe të gjashtë, janë dy vargje nga Kurani që flasin për Qaben.
Dy herë në vit, Qabeja lahet dhe pastrohet nga brenda dhe nga jashtë, me ujë Zemzemi i përzier me ujë trëndafili. Gjatë këtij rituali, familjes që kujdeset për Qaben, gjë të cilën e kanë trashëgimi që nga lashtësia, i dorëzohet dhe çelësi me kyçin e ri të Qabes, të dy të prodhuar nga flori i pastër./ardhmeriaonline/
Më 18.11.2013 (15 muharrem 1435 h) është bërë pastrimi i brendshëm i Qabesë nga princi i Mekës (në vend të mbretit) dhe familjes mbikëqyrëse dhe përgjegjësve në krye me imamin Sudais
Pas pastrimit është bërë falja në brendësi të saj dhe i është dorëzuar çelësi i artë me dry që është traditë paraislamike për ta mbajtur vetëm kjo familje mekase,e pastaj është bërë tavafi nga të gjithë ata që morën pjesë në këtë aktivitet.
