Gjatë vizitës së tij zyrtare në Malajzi, presidenti amerikan, Barak Obama, ka bërë dhe një vizitë në xhaminë kombëtare të Malajzisë, e cila konsiderohet si pjesë e trashëgimisë kombëtare të Kualalumpurit.
Bashkë me imamin e xhamisë, Obama ka qëndruar edhe para varreve të krerëve më të lartë të Malalzisë, të cilat ndodhen pranë xhamisë. Vetë Obama kishte veshur kostum të errët dhe i kishte hequr këpucët që në hyrje të xhamisë.
Imam i xhamisë kombëtare, gjatë vizitës i ka kërkuar Obamës që të bëjë diçka për ti dhënë fund dhunës kundër myslimanëve në mbarë botën dhe presidenti Obama i është përgjigjur:”Lute Zotin për mua që të më ndihmojë në këtë drejtim!” Obama i ka treguar se sa herë që zgjohet nga gjumi, gjëja e parë që i vjen ndërmend janë përpjekjet që duhen bërë për mbylljen e konflikteve të cilat ndikojnë negativisht në jetën e shoqërive.
Sipas imamit, Obama është ka përmendur shpesh herë fjalën “Inshalla” dhe “Tirima Kasih” në gjuhën malajziane, e cila do të thotë “Faleminderit!” /ardhmeriaonline/
