Departamenti për të rinj pranë Forumit Rinor Islam – Dega Shkup realizoi aktivitetin “Takime me maturantë” në bashkëpunim me unionet e shkollave të mesme “Cvetan Dimov”, “Arseni Jovkov”, “Dr.Pançe Karagjozov”, “Zef Lush Marku” dhe “Marija Kiri Skllodovska”. Ky aktivitet në vete ngërtheu tre trajnime të cilat i ndjekën një numër i madh i maturantëve nga shkollat e mesme të qytetit të Shkupit.
Trajnimi i parë u realizua në hapësirat e gjimnazit “Zef Lush Marku”, nga trajnues Leonard Kaja me temë “Tejkalimi i pengesave rinore drejt suksesit”. Trajnimi i dytë ishte “Orientimi profesional” me trajnues Mevludin Ibish, i cili trajnim u realizua në hapësirat e Universitetit Ndërkombëtar Ballkanik, ku edhe u bë prezantimi i universitetit dhe u paraqitën mundësitë për të studiuar në të njejtin.
Ndërkaq trajnimi i tretë me të cilin u përmbyll ky cikël ishte “Si të përgatitet një punim seminarik” nga Mr. Burhanedin Nuhiju përmes së cilit u treguan rregullat dhe mënyra e duhur e përgatitjes së një punimi. Më pas nga kryetari i FRI – Dega Shkup u bë edhe prezantimi i aktiviteteve dhe punës që bën Forumi Rinor Islam si organizatë joqeveritare me të rinjt.
Në fund të gjithë maturantëve pjesëmarrës iu shpërnda mirënjohje për prezencën e tyre gjatë këtyre trajnimeve.
Categories