Është shpallur 11-shi më i mirë i Premier Ligës për sezonin që po lëmë pas.
Në skemën 4-4-2, porta i takon David De Geas, i saposhpallur kampion me Mançester Junajtidin.
Krahu i djathtë i mbrojtjes është për Pablo Zabaletën, i cili ka pasur një sezon mjaft pozitiv me fanellën e Mançester Sitit. Dyshja e qendrës së prapavijës përbëhet nga Rio Ferdinand (Junajtid) dhe Jan Vertonghen i Totenhemit. Në të majtë është Lejton Bejns, autor i një sezoni mbresëlënës me Evertonin.
Në mesfushë shohim dy lojtarë të Çelsit, spanjollin Huan Mata dhe belgun Eden Hazar, ndërsa Majkëll Kerrik i Mançester Junajtidit dhe Garet Bejl i Totenhemit plotësojnë këtë repart. Ky i fundit u shpall edhe lojtari i vitit dhe lojtari i ri i vitit.
Dyshja e sulmit përbëhet nga shënuesit më të mirë të Premier Ligës: Robin van Persi i Junajtidit (25 gola) dhe Luis Suarezi i Liverpulit (23).
/Start/
David De Gea
Pablo Zabaleta
Rio Ferdinand
Jan Vertonghen
Lejton Bejns
Eden Hazar
Majkëll Kerrik
Huan Mata
Garet Bejl
Robin van Persi
Luis Suarez
