Këtë të martë më datë 04.01.2022 me fillim nga ora 13:00 në hapësirat e H/R Arabella – Kërçovë u bë mbyllja solemne e projektit “Eureka”. Projekt ky gjashtjavorë, i realizuar për herë të parë në Kërçovë nëpërmjet ligjeratave, trajnimeve, debatave dhe vizitave. Ky projekt u realizua në bashëpunim me drejtoritë e shkollave fillore në Kërçovë, dhe duke shfrytëzuar hapësirat e H/R Arabellës, pa ndihmën e së cilëve realizimi i “Eurekës” do të ishte i vështirë.
Në program ishin të pranishëm kryetari i Forumit Rinor Islam, drejtorët e shkollave fillore, prindërit si dhe vetë nxënësit.
Programi filloi me pjesën artistike të përgatitur nga nxënesit ku ato shfaqën përshkrime rreth temave të realizuara dhe përshtypjeve të tyre përgjatë këtyre gjashtë javëve, interpretim të poezive dhe eseve të shkruara nga nxënësit.
Më pas vijoi shpërndarja e mirënjohjeve për ligjëruesit si dhe ndarja e çertifikatave dhe dhuratave simbolike për nxënësit pjesëmarrës në këtë projekt.
Programi përfundoi me një koktej solemn përgatitur për të pranishmit.
Në fund ne ndajmë krenarinë dhe lumturinë që patëm mundësinë të njoftojmë bartësit e të ardhmes së shoqërisë sonë, e mbi të gjitha, jemi shumë krenar që bëhemi pjesë në edukimin dhe kahëzimin e tyre kah e mira.
