Afati kalimtar i janarit ka ardhur dhe bashkë me të edhe spekulimet për transferime të lojtarëve.
Për këtë shkak, koha.net ka nxjerrë statistikat në bazë të të cilave rendit lojtarët shqiptarë sipas vlerës së tyre aktuale në treg.
Çmimet janë të bazuara në faqen transfermarkt, e cila shquhet për kalkulime të përafërta dhe është pikë referimi edhe për mediat e huaja.
Më i shtrenjti në listë është Xherdan Shaqiri. Reprezentuesi i Zvicrës vlerësohet plot 20 milionë euro. Pikërisht Shaqiri është ai që përflitet më së shumti në këtë afat kalimtar.
Pas Shaqirit vijnë Januzaj e Granit Xhaka me nga 10 milionë. I katërti në listë është Shkodran Mustafi me 8 milionë, i pasuar nga Xhemaili e Mehmedi me nga 7 milionë.
Gjithnjë sipas transfermarkt, Behrami ka vlerën 6 milionë euro kurse Kasami 5 milionë.
Dy lojtarët e Lazios, kapiteni i kombëtares – Lorik Cana dhe portieri Etrit Berisha vlerësohen me nga 3 milionë, kurse Taulant Xhaka me 2.25 milionë.
Të fundit në listë janë Lenjani, i cili vlerësohet 1.5 milionë euro dhe Balaj i cili vlerësohet 600 mijë.
Renditja sipas vlerës:
Xherdan Shaqiri 20 milionë euro
Adnan Januzaj 10 milionë euro
Granit Xhaka 10 milionë euro
Shkodran Mustafi 8 milionë euro
Blerim Xhemaili 7 milionë euro
Admir Mehmedi 7 milionë euro
Valon Behrami 6 milionë euro
Pajtim Kasami 5 milionë euro
Lorik Cana 3 milionë euro
Etrit Berisha 3 milionë euro
Taulant Xhaka 2.25 euro
Mergim Mavraj 1.7 milionë euro
Ermir Lenjani 1.5 milionë euro
Bekim Balaj 600 mijë euro
