Për të dytën herë me radhë, Forumi Rinor Islam – Dega Shkup organizoi Netët e Kulturës Islame në Çarshinë e Shkupit.
Në kuadër të këtyre netëve, Sektori i Femrës – Dega Shkup, organizoi një sërë aktivitetesh artistike dhe kulturore.
Ndër aktivitetet më të spikatura qe kuizi shpërblyes i diturive islame, në të cilin morrën pjeseë me qindra kalimtarë, fëmijë e të rritur. Fituesit e kuizit u shpërblyen me nga nje liber nga botimet e Forumit Rinor Islam.
Këndi i artit grafik dhe ebru qenë ndër aktivitetet që e pasuruan edhe me tabllonë e Netëve të Kulturës Islame.
Përveç kësaj, ky aktivitet u pasurua edhe me këndin e librave, ëmbëlsirave tradicionale dhe gjësendeve të tjera që iu ofruan vizitorëve.
Aktiviteti në fjalë është ndër më të shquarit që organizon Sektori i Femrës në Shkup gjatë muajit të Ramazanit.
Zyra për Marrëdhënie me Publikun e Forumit Rinor Islam
