Është hedhur shorti për kalendarin e Serisë A 2013-2014. Kampionati do të nisë më 24 gusht, për t’u mbyllur më 18 maj 2014.
Goglat kanë vënë përballë Interin dhe Juventusin që në javën e tretë. Derbi i parë i Italisë për sezonin e ardhshëm do të luhet më 15 shtator në “San Siro”, ndërsa sfida e kthimit më 2 shkurt 2014 në Torino.
Bie në sy fakti që Juventusi do të ketë një fillim të vështirë në misionin për ta mbrojtur titullin kampion. Në tetë javët e para, bardhezinjtë do të luajnë mes të tjerash me Sampdorian, Lacion, Torinon, Milanin dhe Fiorentinën.
Ndërkaq, derbi i Milanos mes Interit dhe Milanit do të luhet në javën e 17-të (22 dhjetor), kurse i Romës (Roma – Lacio) në javën e katërt.
Interesante java e shtatë dhe e tetë: Inter – Roma, Juve – Milan dhe Fiorentina – Juve, Roma – Napoli.
/Start/
