Në Kumanovë Forumi Rinor Islam në bashkëpunim me Shoqatën Edukative “Vllaznia”, në kuadër të aktivitetit “Shporta e Ramazanit”, realizoi shpërndarjen e parë të shportave, me artikuj ushqimorë themelorë.
Shpërndarja u bë në qytetin e Kumanovës, ku u shpërndanë gjithësej 300 shporta; në fshatin Orizare, u shpërndanë gjithësej 90 shporta dhe në fshatin Vaksincë 80 shporta.
Shpërndarja e shportave u bë në familjet e të varfërve, skamnorëve dhe jetimëve.
Përndryshe, shpërndarja do të vazhdojë edhe tjera ditë, gjatë muajit të Ramazanit.
