Tyson dhe Evander Holyfield, dy boksierë legjendarë të peshave të rënda, janë takuar sërish dhe janë përqafuar me njëri-tjetrin, 16 vjet pas episodit të pazakontë kur “Majku i Hekurt” i kafshoi veshin Holyfield gjatë një ndeshjeje në Las Vegas, në vitin 1997.
Tyson shkoi në një supermarket të Chicago, ku Holyfield po promovonte salcën e tij për barbekju të quajtur ‘Holyfield’s Real Deal’ dhe aty u gjendën përballë njëri-tjetrit.
Pas kësaj dy legjendat e boksit ndanë një përqafim të ngrohtë duke treguar se tashmë e kanë lënë pas krahëve atë episod, që gjithsesi do të mbetet në histori.
(gazeta-Shqip.com)
