U mbajt kuvendi VII-të vjetor i FRI-së Dega Shkup

Me datë 15.12.2013 në lokalet e FRI-së në Shkup, u zhvilluan punimet e kuvendit të VII-të FRI-së dega Shkup.
Këtë kuvend e begatoi edhe prezenca e ish kryetarit  të mëparshëm  të degës së Shkupit  z.Zulfqifli Sinani si dhe delegati nga kryesia e qendrore e FRI-së z. Milazim Mustafa, ku të pranishmëve i’u drejtuan me disa fjalë rasti.
Kryetari i degës së Shkupit z. Hasan Bafjari në mënyrë kronologjike para kuvendarëve paraqiti  të gjitha aktivitete të cilët janë realizur nga FRI-Shkup gjatë periudhës së vitit 2013, kurse i njëjti raport u hodh në votim prej nga edhe në mënyre unanime u votua pozitivisht nga kuvendarët. Në këtë kuvend kryetari i degës së Shkupit paraqiti edhe disa aktivitete të cilët synohen të realizohen gjatë vitit të ardhshëm.
Po ashtu vlen të potencohet  se gjatë zhvillimit të punimeve në kuvend u bënë edhe disa ndryshime në kryesine e degës së Shkupit, ndryshime këto që ishin paraparë që nga mbeldhja e fundit e kësaj kryesie.