Human Right Watch ka dhënë raport detal ku përshkruhet masakra ndaj civilëve për të cilin akuzohet regjimi Sirian në qytetet Al Baidi dhe Bainasu kryer në muajin maj të këtij viti. Sipas organizatës “Human Right Watch”, forcat e presidentit Bashar Al- Assad kanë vrarë 248 njerëz, në mesin e tyre më shumë gra dhe fëmijë. Raporti me titull “Askush nuk mbeti” i mbështet të dhënat në dëshmi të 12-të dëshmitarëve të mbijetuar nga dy qytete të rrënuara të cilët tregojnë se janë vrarë familje përfshi edhe fëmijë të vegjël dhe ndërkohë janë kryer edhe ekzekutime në masë ku gratë kanë tentuar ti mbrojnë fëmijët e tyre me trupat e tyre.
