Në rrugën “Forchstrasse” të Cyrihut ke diçka të pazakonshme në minaren e xhamisë, e cila është mbështjellë në petkun e shumë ngjyrave. Ngjason në ngjyrat e ylberit.
Nuk ishte ndonjë aksion i ndonjë organizate të të gjelbërve, e as për Halloween, por përkundrazi e kishin bërë vetë udhëheqësit e xhamisë duke e veshur xhaminë me shumë ngjyra.
“Ne kemi dashur të tregojmë shenjat e paqes”, thotë Imam Ahmed Sadaqat. Në mënyrë të veçantë është bërë përkitazi me javën e religjioneve që nis prej 2 nëntor e zgjat deri më 9 nëntor, transmeton Albinfo.
Përveç kësaj, këtë vit xhamia e parë në Zvicër është duke festuar 50- vjetorin e saj.
“Në një kohë të përçarjes që mbizotëron mes religjioneve dëshirojmë të thërrasim në dialog dhe të inkurajojmë komunikimin ndërkulturor”, thonë organizatorët.
Më 2 nëntor nga ora 10 do ta gjeni një ditë me dyer të hapura në xhami. Motoja e komunitetit mysliman është: “Dashuria për të gjithë, urrejtje për askënd”.
Përkitazi me javën e religjioneve do të organizohen ngjarje të ndryshme në gjithë Zvicrën.
Categories