Zgjerimi i Xhamisë së Pejgamberit (a.s.) në Medine nuk do të ndikojë në xhamitë tjera të lashta aty pranë, tha një zyrtar i lartë nga Ministria e Financave.
Ai tha se xhamitë e Ebu Bekrit, Omer ibn Hatabit, Ali ibn Ebi Talibit, Al-Exhaba dhe Ebu Dherit, do të mbetet të paprekura, sepse ato janë jashtë kufijve të zonës së zgjerimit.
Sipas burimit, restaurimi i xhamive të Al-Ejaba dhe Ebu Dherit do të fillojë pas përfundimit të projektit të zgjerimit.
Muhammed Al-Amin Al-Hatri, Drejtor i Përgjithshëm në Ministrinë e Çështjeve Islame, në Medine, tha se për 131 xhami është vendosur t’i nënshtrohen restaurimit, përfshirë xhamitë historike të Ebu Bekrit, Omer ibn el-Hatabit, Ali bin Ebi Talibit, dhe të Fatima Al-Zahras.
Burimi: Arab News
Përktheu nga anglishtja:
Mexhid Yvejsi, Gjakovë
